جربت الزنا مع خطيبي...وبدأ يشك فيا

بسم الله الرحمن الرحيم

دي مشكلة بنت جربت الزنا مع خاطيبها..وكانت النتيجة أنه بقى بيشك فيها..القصة حقيقية وصاحبتها طرحتها في أحد المواقع من اكثر من عامين..مش دي القضية ولا أحنا جايين نحل المشكلة دلوقتي ليها..أحنا هنطرح المشكلة وهنحللها

علشان أي بنت مستقبلاً ما تقعش في الغلطة دي..وندعي ربنا أنه يغفرلها ويعفو عن بنات أمه محمد ويزوج البنات والشباب جميعاً يا رب العالمين

انا عندي 19 سنه ومخطوبه و بحب خطيبي جداا جدااا 

ومن الحاجات الجميله في حبي له ان كل شويه بيزيد وكل فتره بحبه بطريقه جديده وبتطور

 الاول كان اللى بينا زي حب مراهقين وبكلمه انبسطت وبكلمه اتفلئ ولما يبقى عنده حاجه مضايقاه كنت ادعي ربنا عشانه كتير واننا بينا حاجات حلوه وبنقرب لربنا وبنحاول نتفاهم دايما ونتواصل لنقط تحل خلافتنا واختلافنا من حيث البيئه و الفكر و كل حاجه والحمد لله كل دا بنحله

الفتره الاخيره بقى بدأت أحبه بشكل تانى وبدأ يقرب مني في الاول كنت رافضه عشان حرام وماكنتش حاجه بتعجبني او ماكنتش شايفه ان دي طريقة تعبير عن الحب 

دلوقتى انا بقيت بعشق اللحظه اللى بيلمسنى فيها وببقى مستنياه يعمل كدا وكمان انا الللى بطلب منه 

بس مع الاسف في آخر مره نمنا مع بعض وشبه اتجوزنا لكنه كان خايف انه يفضى غشاء البكارة بتاعى علشان خايف عليا مع انى وقتها كنت مجنونه وبتحايل عليه يعمل كدا عشان ارتاح من اللى كنت حاساه

وفى الأول بدا يقربلى كان هو اللى بيحب كدا بس لما بقيت انا بحب قربه ليا مابقاش هو متحفز اوى وبقيت بتحايل عليه .. 

تفتكروا انا الى وحشه ؟! ولا مش انثى في عينه

  سؤالى دا بصفه عامه عشان بعد الجواز عمتا مشكلتى بقى انى مش عاجبنى انى بقيت كدا 

وان ربنا غضب عليا اكيد وان اكيد خطيبي بقى بيشك فيا عشان بعمل كدا معاه وانى بقيت بحس انى عريانه قصاده اينعم مش محروجه منه بس احساس مش لذيذ ان في الاوقات العاديه ابقى في عينه بنت مش محترمه

 انا همووت ونتجوز بقى علشان مانعملش حاجه حرام وعلشان عايزه اعيش معاه باقي حياتنا الطبيعية

اساسا أعمل ايه دلوقتى ؟! زي ما انتوا عارفين ان صعب نوصل لمرحله زي دي ونرجع لورا خطوه ..

انما بنزيد خطوه وبنطتور مع الاسف تنصحوني بايه ؟! 

ولو سمحتم ادعولى ربنا يسهل جوازنا الدعا ممكن يجيب نتيجه لان مش مستحيل نتجوز

لينك الموضوع الأصلي

http://adf.ly/tRpAY

****

أولاً ربنا يهدي كل الشباب والبنات للخير ولكل حاجة ترضي ربنا...آمين يا رب العالمين

- مشكلة البنت دي بتتلخص في أهلها اللي سمحوا في فترة الخطوبة أنه يحصل خلوة ويخرجوا مع بعض براحتهم و و و و و (ما أجتمع رجل وامرأة إلا وكان الشيطان ثالثهما)

- ثانياً الشاب ده فعلاً لا يصلح زوج لانه مش عايز العفاف ومش عايز الحلال ده عايز يلعب ببنات الناس بدليل أنه سمح لنفسه يلعب ويقرب ويتفرج ويحضن ويبوس ولحد غشاء البكارة قرر أنه ما يقربش منه نظراً للمشاكل اللي ممكن يتعرضلها

- ثالثاً طول فترة الخطوبة خطر وخط أحمر..ولو في فترة ما تزيدش على سنة ولو أقل يبقى أفضل..معندوش فلوس ومش قد الجواز ما يتقدمش

- ودي رسالة لكل الأهالي يسروا الحلال..تساهلوا مع أبن الحلال...الشاب ده لو كان الدنيا مشيت معاه بسرعة كان زمان كل اللي تم ده..تم في الحلال

- بنلوم الشاب وبنلوم البنت على عدم إتقاء الله..واللي اصعب أنهم لو ما تابوش واتجوزوا هيحصل مشاكل كبيرة أوي..لأن من أستعجل شيء قبل آوانه عوقب بحرمانه

- مش هيحسوا بأي متعة حلال بعد الجواز إلا إذا تابوا..

- آه ينفع ترجوا خطوات لوراء .. خطوات من أجل بيت محترم..بيت كله حب بجد مش حب جسد وحب كذا وكذا وكذا

- واضح من الرسالة إن الأهل متساهلين لأبعد الحدود..وده خطأ كبير

- مش عايزين ضحايا في المجتمع أرجوكم..مش عايزين أطفال شوارع...مش عايزين خناقات وقواضي ومشاكل ومحاكم .. هتك عرض وزنا ..وووووو

- يسروا الحلال..قصروا فترة الخطوبة...كتب الكتاب قبل الدخلة مباشرة علشان مانديش فرصة للشيطان يدخل في النص ولو طالت المدة وماحصلش نصيب..مايبقاش في مشاكل بعد كدة

أخيراً..لكل بنت حافظي على نفسك وماتسلميش نفسك إلا بعد كتب الكتاب والأشهار..لأنك غير أنك بتغضبي ربنا..لو الشخص سابك هتلاقي كلام الناس مابيخلصش خصوصاً اللي شافوكي في وضع مش لذيذ ومش محترم

ولكل شاب اتقي ربنا وحافظ على بنات الناس وأنوي خير..ربنا هيسرلك الخير

أحمد محمد عبد المنعم